சிறுவினா
1. தமிழ்வழிக்கல்வி பற்றித் திரு வி க கூறுவனவற்றை எழுதுக.
• தமிழிலேயே கல்வி போதிக்க தமிழில் போதிய கலைகளில்லையே; சிறப்பான அறிவியல் கலைகள் இல்லையே என்று சிலர் கூக்குரலிடுகிறார்
• அவரவர் தாம் கண்ட புதுமைகளை முதல் முதலில் தம் தாய்மொழியில் வரைந்து விடுகிறார். அவை பின்னே பல மொழிகளில் பெயர்த்து எழுதப்படுகின்றன. அம்மொழிபெயர்ப்பு முறையைக் கொண்டு ஏன் தமிழ்மொழியை வளர்த்தல் கூடாது? குறியீடுகளுக்குப் பல மொழிகளினின்றும் கடன் வாங்குவது தமிழுக்கு இழுக்காகாது
• கலப்பில் வளர்ச்சி என்பது இயற்கை நுட்பம்
• தமிழை வளர்க்கும் முறையிலும் அளவிலும் கலப்பைக் கொள்வது சிறப்பு. ஆகவே தமிழ் மொழியில் அறிவுக்கலைகள் இல்லை என்னும் பழம்பாட்டை நிறுத்தி, அக்கலைகளைத் தமிழில் பெயர்த்து எழுதித் தாய்மொழிக்கு ஆக்கம் தேடுவோம் என்னும் புதுப்பாட்டைப் பாடுமாறு சகோதரர்களைக் கேட்டுக்கொள்கிறேன்
• தாய்மொழிவழி மாணாக்கர்களுக்கு அறிவுறுத்தப்படும் காலமே தமிழ்த்தாய் மீண்டும் அரியாசனம் ஏறும் காலமாகும்.
2) அறிவியல் கல்வி பற்றித் திரு.வி.க கூறுவன யாவை?
• உலக வாழ்விற்கு மிகமிக இன்றியமையாதது ‘அறிவியல்’ என்னும் அறிவுக்கலை
• உடற்கூறு, உடலோம்பு முறை, பூத பௌதிகம், மின்சாரம், நம்மைச் சூழ்ந்துள்ள செடிகொடி பறவை விலங்கு முதலியவற்றினியல், கோளியக்கம், கணிதம், அகத்திணை முதலியன வேண்டும்
• இந்நாளில் இவைகளைப் பற்றிய பொதுஅறிவாதல் பெற்றே தீரல் வேண்டும்
• புறவுலக ஆராய்ச்சிக்கு அறிவியல் கொழுகொம்பு போன்றது
• நம்முன்னோர் கண்ட பல உண்மைகள் அறிவியல் அரணின்றி இந்நாளில் உறுதி பெறுதல் அரிது
• இக்கால உலகத்தோடு உறவு கொள்வதற்கும் அறிவியல் தேவை
• ஆதலின் அறிவியல் என்னும் அறிவுக்கலை இளைஞர் உலகில் பரவல் வேண்டும்.
கருத்துகள் இல்லை:
கருத்துரையிடுக