சிறுவினா
1) தொகைநிலைத் தொடர்கள் எத்தனை வகைப்படும்? அவை யாவை?
தொகைநிலைத் தொடர்கள் ஆறு வகைப்படும். அவை,
- வேற்றுமைத்தொகை
- வினைத்தொகை
- பண்புத்தொகை
- உவமைத்தொகை
- உம்மைத்தொகை
- அன்மொழித்தொகை
2) 'இரவுபகல்’ என்பது எவ்வகைத் தொடர் என விளக்குக.
- ‘இரவுபகல்’ என்பது இரவும் பகலும் என விரிந்து பொருள் தருகிறது.
- இதில் சொற்களுக்கு இடையிலும் இறுதியிலும் ‘உம்’ என்னும் இடைச்சொல் மறைந்து நின்று பொருள் தருவதால், இஃது உம்மைத் தொகை ஆகும்.
3) அன்மொழித்தொகையை எடுத்துக்காட்டுடன் விளக்குக.
- வேற்றுமை, வினை, பண்பு, உவமை, உம்மை ஆகிய தொகைநிலைத் தொடர்களுள் அவை அல்லாத வேறு பிற சொற்களும் மறைந்து வருவது அன்மொழித்தொகை ஆகும்.
- எடுத்துக்காட்டு: பொற்றொடி வந்தாள். இது பொன்னாலான வளையலை அணிந்த பெண் வந்தாள் என்னும் பொருள் தருகிறது.
கருத்துகள் இல்லை:
கருத்துரையிடுக